Hyrja

Ky dokument përcakton termat dhe kushtet e përgjithshme që rregullojnë përdorimin dhe blerjen e produkteve në faqen e internetit www.interclick.shop dhe aplikacioneve në platformën IOS dhe Android (më poshtë referuar si “Termet dhe Kushtet e përgjithshme”).

Ne ju këshillojmë të lexoni me kujdes Kushtet, Politikën tonë të “Cookies” dhe Politikën tonë të Privatësisë (në vijim, së bashku, “Politikat e mbrojtjes së të dhënave”) përpara se të përdorni këtë faqe interneti. Kur përdorni këtë faqe interneti ose bëni një porosi në të, ju jeni të detyruar të respektoni këto Kushte dhe Politikat tona për Mbrojtjen e të Dhënave. Nëse nuk jeni dakord me Kushtet dhe me Politikat e Mbrojtjes së të Dhënave, mos e përdorni këtë faqe interneti.

Mos bëni ndonjë porosi false ose mashtruese. Nëse konsiderohet në mënyrë të arsyeshme se është bërë një porosi e këtij lloji, ne do të jemi të autorizuar ta anulojmë atë dhe të informojmë autoritetet kompetente.

1. ZBATIMI I Termave dhe Kushteve
   
   
   1. Këto kushte të përgjithshme për blerje në formën elektronike rregullojnë të gjitha marrëdhëniet ndërmjet kompanisë Proex Sh.P.K e regjistruar me numër unik identifikimi 810806862, me seli në adresën: Rruga Fehmi Lladrovci 32,  Prishtinë/Kosovë dhe klientëve që dëshirojnë të kryejnë porosi nëpërmjet faqes së webit/aplikacionit www.interclick.shop
   2. Duke kryer porosi dhe duke bërë blerje në rrugë elektronike nëpërmjet web faqes/aplikacionit së internetit   www.interclick.shop, ju pranoni pa asnjë rezervë të gjitha Termat dhe Kushtet.
   3. Këto Terma dhe kushte zbatohen për të gjitha shitjet nëpërmjet web faqes/aplikacionit të Interclick, qoftë nëse produktet dorëzohen në adresën e përcaktuar nga Klienti, qoftë nëse ato tërhiqen në lokacionet e përcaktuara në platformën Interclick.
   4. Interclick.shop rezervon të drejtën të ndryshojë dhe përditësojë Termat dhe Kushtet në çdo moment. Termat dhe kushtet  të ndryshuara/përditësuara do të publikohen në faqen e internetit të www.interclick.shop. Këto ndryshime/përditësime nuk do të zbatohen për porosi të kryera para datës së publikimit.
   5. Për produkte të veçanta, Interclick mund të parashikojë kushte të veçanta, të cilat do të zbatohen përveç këtyre Termave dhe Kushteve. Kushtet e veçanta do të përcaktohen dhe publikohen me ofrimin e produkteve përkatës.
   6. Interclick nuk mban përgjegjësi për viruset kompjuterike që mund të ketë faqja e internetit. Klienti merr përsipër të përdorë pajisjet dhe programet e duhura për t’u mbrojtur nga sulme të jashtme (viruse, site të ndryshme etj.) për të kryer blerje në mënyrë elektronike.
   7. Interclick mund të vendosë në çdo kohë të pezullojë, ndryshojë apo përfundojë ofrimin e produkteve nё rrugë elektronike për shkak të punimeve të mirëmbajtjes, për të përditësuar ose përmirësuar faqen ose për çfarëdo arsye tjetër.
   8. Interclick mund të përfundojë ofrimin e blerjeve në rrugë elektronike ose aksesin tuaj në faqen e saj, për shkak të shkeljes së këtyre Kushteve dhe Afateve nga ana juaj, ose për çfarëdo arsye.
      
      
      
2. PRODUKTET
   
   
   1. Klientët informohen në lidhje me karakteristikat kryesore të produkteve në web faqen/aplikacionin e Interclick.shop. Çdo informacion në lidhje me përshkrimin e produkteve, karakteristikat e tyre dhe çmimet të vendosura nё web faqen/aplikacionin Interclick.shop është i vёrtetё, i qartё dhe i saktë. Megjithatë, Klientët kanë detyrimin të njihen me mënyrën e përdorimit apo çdo informacion tjetër që shoqëron produktet e dorëzuara ose të vendosur mbi produktin ose mbi ambalazhin e tij, të tilla si udhëzimet e përdorimit të sherbimit online.
   2. Interneti ofron një përvojë të ndryshme blerje nga blerja në dyqan. Klienti duhet të jetë në dijeni për ngjyrat e produkteve, përmasat dhe format e çdo produkti. Fotografitë që ilustrojnë produktet, nuk përfshihen në marrëdhënien kontraktore ndërmjet Interclick dhe Klientit. Interclick nuk mban asnjë përgjegjësi në rast të ndonjë gabimi në ilustrimin e produktit.
   3. Interclick nuk garanton disponueshmërinë e çdo produkti të publikuar në faqen e internetit. Disponueshmëria e produkteve i korrespondon disponueshmërisë në magazinë në gjendjen e ditës së mëparshme të punës së hipermarketit. Në rast mungese të disponueshmërisë së produktit, Interclick merr përsipër të informojë Klientin sa më shpejt me çdo mjet të përshtatshëm komunikimi.
      
      
      
3. KRYERJA E POROSISË
   
   
   1. Për të kryer blerje në rrugë elektronike, Klienti duhet të jetë mbi moshën 18 vjeç dhe me zotësi të plotë për të vepruar.
   2. Klienti kryen porosinë nëpërmjet procedurës së përshkruar (ne fillim) në faqen e internetit dhe konfirmon përmbledhjen e detajuar të porosisë, e cila përmban të dhëna mbi produktin e porositur, çmimin total të produktit.
   3. Për kryerjen e porosisë, Klienti detyrohet të japë të dhëna të vërteta dhe të sakta, të detyrueshme për identifikimin e tij.
   4. Gjatë kryerjes së porosisë së parë dhe/ose gjatë regjistrimit të tij në web faqen/aplikacionin e Interclick Klienti duhet të japë emrin, mbiemrin, adresën e tij elektronike, si dhe fjalëkalimin e tij.
   5. Fjalëkalimi është personal dhe duhet të ruhet sekret nga Klienti.
   6. Për çdo vizitë në web faqen/aplikacionin e Interclick, Klienti do të ketë akses në të dhënat e tij personale në hapësirën e Klientit, ose në rast se do të kryejë një porosi, Klienti duhet të identifikohet paraprakisht nëpërmjet emrit të përdoruesit dhe fjalëkalimit, duke patur parasysh se fjalëkalimi nuk shërben për kryerjen e pagesave.
   7. Informacionet e regjistruara nga sistemi i Interclick shërbejnë si provë të komunikimeve, porosive dhe pagesave të kryera ndërmjet Interclick dhe Klientëve.
   8. Interclick nuk mban përgjegjësi për mosfunksionimin e faqes së internetit, që mund të vonojë ose të mos lejojë kryerjen e porosive në rrugë elektronike, për shkak të ngjarjeve përtej kontrollit të arsyeshëm të Interclick, të tilla si ngjarje të forcës madhore.
      
      
      
4. ÇMIMI
   
   
   1. Çmimet e përcaktura në faqen e internetit të Interclick.shop janë çmimet me TVSH.
   2. Në rast gabimi në shkrim në lidhje me çmimet e një apo disa produkteve, Interclick do t’ia njoftojë gabimin Klientit dhe do të anullojë porosinë e produktit apo produkteve përkatëse.
   3. Interclick ka të drejtë të ndryshojë çmimet në çdo kohë.
      
      
      
5. KONFIRMIMI I POROSISË
   
   
   1. Pas kryerjes së porosisë, Interclick e konfirmon klientit marrjen e porosisë nëpërmjet caktimit të numrit të porosisë. Klienti do të marrë një email, i cili konfirmon blerjen në rrugë elektronike dhe përmban informacionin mbi produktin, sasinë, çmimin dhe numrin e porosisë.
   2. Porosia e Klientit do të konsiderohet e pranuar vetëm pas konfirmimit të saj nga Interclick. Data/Dita/Ora e konfirmimit figuron në email-in që i dërgohet Klientit.
   3. Për porosi të veçanta, Interclick ka të drejtë të kërkojë informacion shtesë nga Klienti. Në këtë rast, Klienti njoftohet nëpërmjet një email-i për dokumentet që duhet të dërgojë për të marrë konfirmimin përfundimtar të porosisë së tij. Interclick ruan të drejtën të anulojë një porosi në rast se Klienti nuk paraqet dokumentet ose informacionin e kërkuar, ose në rast se konsiderohet se këto dokumente nuk janë të përshtatshme.
   4. Porosia e Klientit mund të anulohet nga Interclick për çdo arsye, Interclick informon Klientin përmes emailit apo telefonit.
      
      
      
6. KRYERJA E PAGESËS
   
   
   1. Çmimi i produkteve do të paguhen nga Klienti në momentin e kryerjes së porosisë në rrugë elektronike apo gjatë pranimit të porosis (varësisht prej dëshirës) në webfaqen/Aplikacionin www.Interclick.shop.
   2. Klienti mund të kryejë pagesën me:
      
      1. Kartë bankare debiti ose krediti (Visa Card/MasterCard).
      2. Paguaj me Euro në dorë / apo me kartelë bankare për mes POS terminaleve në momentin kur merr porosinë.
   3. Në rast se Interclick gjendet në pamundësi për të përmbushur një pjesë të porosisë së Klientit, pagesës së Klientit do t’i zbritet çmimi i produkteve të padorëzuara.
   4. Interclick përdor systemin e procesimit të pagesave të mundësuar nga ProCredit Bank, e cila mundëson pagesa nga të gjitha kartelat bankare, duke i aplikuar standatet e fundit të sigurisë.
   5. Gjatë kryerjes së pagesës, Klienti lidhet automatikisht me serverin e pagesave, pjesë e sistemit të kontrollit të qendrës së përpunimit të të dhënave të bankës ProCredit.
   6. Të dhënat bankare të Klientit, të mbrojtura nëpërmjet enkriptimit, nuk kalojnë nëpërmjet sistemeve elektronike të Interclick dhe nuk ruhen në sistemet elektronike të Interclick.
      
      
      
7. DORËZIMI I PRODUKTEVE
   
   
   1. Dorëzimi i produkteve do të kryhet brenda terminit të përzgjedhur nga vet Klienti(Lokacioni, Dita dhe Ora). Në çdo rast, ky afat jepet vetëm për referencë dhe në varësi të disponueshmërisë së produkteve në Depo.
   2. Dorëzimi i produkteve mund të kryhet vetëm në lokacionet e paracaktuara nga Interclick, prej të cilave mund të zgjedh Klientipërmes platformave.
   3. Në rast se parashikohet shtyrja e afatit të dorëzimit, Interclick merr përsipër të informojë Klientin sa më shpejt të jetë e mundur dhe me çdo mjet komunikimi në mënyrë që ky i fundit të zgjedhë nëse do të mbajë porosinë apo do ta anullojë atë tërësisht apo pjesërisht.
   4. Interclick nuk është përgjegjës për pasojat e ngjarjeve që janë përtej kontrollit të tij të arsyeshëm, të tilla si ngjarje të forcës madhore ose që varen nga Klienti, të cilat do të vononin ose ndalonin dorëzimin e produkteve të porositura.
   5. Vonesat në dorëzimin e produkteve ose mospërmbushja e porosisë nuk mund të kenë si pasojë dëmshpërblimin e Klientit apo të furnitorëve të tij.
   6. Interclick do të dorëzojë produktet e porositura në lokacionin e caktuar nga Klienti (nga lokacionet e paracaktuara nga Interclick).
      
      
      
8. MARRJA NË DORËZIM
   
   
   1. Klienti merr përsipër të marrë në dorëzim produktet në emër të tij apo të personit në emër të të cilit është kryer porosia, në lokacionin e përzgjedhur gjatë kryerjes së porosisë.
   2. Gjatë dorëzimit, Klienti ose personi i autorizuar, duhet të provojë identitetin e tij, dhe konfirmimin e porosisë së dërguar i cili përmban numrin e porosisë, si dhe autorizimin në rast tërheqje nga një person i tretë.
   3. Gjatë kontrollit të produkteve të dorëzuara, nëse Klienti vëren se ambalazhi ose paketimi i produkteve është i dëmtuar, produktet mungojnë ose janë të dëmtuara, Klienti duhet të përshkruajë të gjitha vërejtjet me shkrim në aktin e marrjes në dorëzim, dhe të marrë nënshkrimin e dorzuesit, dhe do të ruajë një kopje të dokumentit. Këto vërejtje duhet të jenë të qarta (përcaktim i dëmtimeve) në mënyrë që të merren parasysh nga Interclick për zëvendësimin e produktit.
   4. Me nënshkrimin e aktit të marrjes në dorëzim pa asnjë vërejtje, dhe me pranimin e produkteve, Klienti pranon se produktet i janë dorëzuar në gjendje të mirë. Nga ky moment, Klienti nuk mund të kërkojë asnjë kthim apo zëvendësim të produkteve të dorëzuara.
   5. Në rast të vërejtjeve në lidhje me dorëzimin e produkteve të dëmtuara ose jo në përputhje me cilësinë ose sasinë e porositur, Klienti merr përsipër të njoftojë Interclick me shkrim, duke specifikuar numrin e porosisë, në adresën: Rruga Fehmi Lladrovci 32 Prishtinë / Kosovë ose me e-mail: info@Interclick.shop, Tel. 0800 70 700
   6. Në rast se produkti që ju keni porositur nuk është më i disponueshëm, Interclick do ju rimbursojë vlerën e blerjes brenda 24 orëve.
   7. Në rast se klienti nuk paraqitet për të tërhequr porosinë në lokacionin dhe terminin e zgjedhur nga ai, Interclick do të pres deri në fund të asaj dite dhe pastaj do ta anuloj porosinë, nëse porosia është parapaguar ajo do të rimbursohet në një afat prej 5 ditë.
      
      
      
9. ANULIMI I POROSISЁ
   
   
   1. Klienti ka të drejtë të anulojë porosinë e tij, në rast mospërmbushje nga InterClick të afatit të dorëzimit të parashikuar në Pikën 8 më sipër, duke njoftuar me shkrim Shërbimin e Klientit të Interclick në adresën: Rruga Fehmi Lladrovci Prishtinë/Kosovë ose me e-mail: info@Interclick.shop, Tel. 0800 70 700
   2. Për shkak të afatit të shkurt kohor nga porosia deri tek tërheqja nga Klienti, kërkesa për anulim do të merret parasysh nga Interclick vetëm nëse përgatitja e porosisë nuk ka ndodhur.
   3. Në rastet e mësipërme të anulimit, Klienti do të rimbursohet për pagesën e kryer brenda një afati prej 5 ditësh nga marrja e kërkesës me shkrim nga InterClick.
   4. Në rastse konsumatori bën porosi me qëllim të mashtrimit ose dëmtimit ne ju informojmë që Interclick do të marrë masat ligjore dhe do të percjellë rastin ne gjykatë.
      
      
      
10. KTHIM I PRODUKTEVE
    
    
    1. Në zbatim të Nenit 4 04/L-121, datë 17.08.2017 “Për Mbrojtjen e Konsumatorëve”, Klienti ka të drejtë të heqë dorë nga porosia pa penalizim me arsye (Malli I prishur, mungesa e mallit te porositur, afati I skaduar i mallit porositur) , brenda një ore.
    2. Produkti duhet të kthehet në adresën e përcaktuar nga InterClick, me paketimin dhe ambalazhimin e tij, të mos jetë përdorur, dokumentat që vërtetojnë blerjen në rrugë elektronike si dhe formularin e autorizimit të kthimit të plotësuar.
    3. Produktet e kthyera të mangëta nuk mund të pranohen nga Interclick.
    4. Klientit do t’i rimbursohet çmimi i produktit. Kostot e kthimit të produktit të kthyer janë në ngarkim të Klientit. Rimbursimi do të kryhet përmes pagesës në llogarinë bankare të klientit.
    5. Produktet promocionale dhe produktet me porosi (ne rast se nuk kane defekte si: afat I skaduar, mungesë te mallit dhe malli I prishur) nuk mund të kthehen nga Klienti në asnjë rast.
       
       
       
11. MBROJTJA E PRIVATËSISË
    
    
    1. InterClick disponon mjetet informatike për përpunimin e të dhënave të Klientëve potenciale dhe të blerjeve në rrugë elektronike, dhe në këtë kuadër kryen grumbullimin dhe përpunimin e të dhënave personale, në kuptimin e LIGJI Nr. 03/L-172 datë 31 MAJ 2010 “Për Mbrojtjen e të Dhënave Personale”.
    2. Mbrojtja e privatësisë dhe të dhënave personale janë çështje të një rëndësie të veçantë dhe InterClick është i përkushtuar të zbatojë rigorozisht të gjithë kuadrin ligjor në mbrojtje dhe respektim të tyre, veçanërisht LIGJI Nr. 03/L-172 datë 31 MAJ 2010 “Për Mbrojtjen e të Dhënave Personale” si dhe aktet nënligjore përkatëse.
    3. Në lidhje me grumbullimin dhe përpunimin e të dhënave personale, InterClick ka zbatuar të gjitha formalitetet paraprake të detyrueshme pranë Komisionerit për Mbrojtjen e të Dhënave Personale.
    4. Qëllimi kryesor i përpunimit të të dhënave personale është sigurimi i dorëzimit të rregullt të porosive të kryera nëpërmjet faqes së internetit të InterClick, përmirësimi i cilësisë së shërbimit, komunikimi i informacioneve në lidhje me porositë e kryera dhe ofertat e InterClick që mund t’i interesojnë Klientit dhe që mund t’i pergjigjen sa më mirë pritshmërive të tij. Interclick merr pëlqimin paraprak të Klientit në lidhje me komunikimin e ofertave promocionale në numrin e telefonit personal të Klientit. Klienti ka tё drejtё nё çdo kohё dhe pa pagesë të refuzojë komunikimin e ofertave promocionale nga ana e InterClick.
    5. Të dhënat personale ruhen nga InterClick për përdorimin e shërbimit, vetëm me miratimin paraprak të Klientit.
    6. Tё dhënat personale mbrohen nёpёrmjet fjalёkalimit qё ju pёrdorni pёr kryerjen e blerjeve nё rrugё elektronike. Klienti merr përsipër që këtë fjalёkalim ta mbajë gjithmonё konfidencial.
    7. Nëse Klienti mendon ose dyshon se llogaria e tij ёshtё nё rrezik, Interclick duhet tё njoftohet menjёherё.
    8. Në përputhje me kuadrin ligjor, Klienti ka të drejtën e aksesit, korrigjimit, fshirjes të të dhënave të tij personale ose kundërshtimit të përpunimit të tyre. Klienti mund të ushtrojë këto të drejta në çdo kohë duke iu drejtuar Interclick ne sistem te llogarisë ose me shkrim në adresën: Rruga Fehmi Lladrovci 32 Prishtinë/Kosovë ose me e-mail: info@Interclick.shop, ose përmes telefonit pa pagesë 0800 70 700.
       
       
       
12. SHËRBIMI I KLIENTIT
    
    
    1. Nëse keni pyetje, ankesa ose vërejtje rreth këtyre Kushteve të Përgjithshme ose blerjes tuaj në rrugë elektronike në web faqen/aplikacionin e Interclick, ju lutemi të na kontaktoni në adresën: Rruga Fehmi Lladrovci 32 Prishtinë/Kosovë, përmes CHAT-it në platformë, në e-mail: info@Interclick.shop, ose përmes telefonit pa pagesë 0800 70 700.
       
       
       
13. TË DREJTAT E PRONËSISË INTELEKTUALE
    
    
    1. Kjo faqe interneti është web faqja/aplikacon zyrtare e Interclick. Të gjitha elementet e përdorura në këtë faqe, duke përfshirë elementë vizualë apo zanorë, përfshirë teknologjinë bazë, janë të mbrojtura nga e drejta e autorit, marka tregtare ose patenta. Ato janë në pronësinë ekskluzive të shoqërisë Interclick.
    2. Kjo web faqe/aplikacion përdoret sipas kushteve të përgjithshme që përcaktohen shprehimisht këtu. Klienti ka të drejtë ta përdorë këtë faqe vetëm për përdorimin e tij personal dhe çdo kopjim, përdorim i paautorizuar i elementeve të përdorura në këtë faqe është i ndaluar.
       
       
       
14. LIGJI I ZBATUESHEM DHE JURIDIKSIONI
    
    
    1. Këto Kushte të Përgjithshme rregullohen dhe interpretohen në përputhje me legjislacionin e Republikës së Kosovës.
    2. Mosmarrëveshjet ndërmjet Interclick dhe Klientit në lidhje me zbatimin e këtyre Kushteve të Përgjithshme, do të zgjidhjen nga Gjykata.